Kung Paano Nanalo sa Karera si Rosang Taba

Saksihan ang umaatikabong labanan ni Rosang Taba at Pietrado. Kapana-panabik ito!

Imbitado ang lahat na manuod ng “Kung Paano Nanalo sa Karera si Rosang Taba” (Adaptasyon nina Maynard Manansala at Rody Vera; mula sa maikling kuwentong “How Rosang Taba Won a Race” ni Dean Francis Alfar), sa direksyon nina Jose Estrella, Issa Manalo Lopez, at Mark Daniel Dalacat.

Itinatampok sina Kiki Baento, Pewee O’Hara, Skyzx Labastilla, Victor Sy, Jojo Cayabyab, Aldo Vencilao, Quinea Babas, Mari Palaganas, Pau Vengano, Dyas Adarlo, Owel Pepito, Victor Deseo, at Ynna Rafa.

Marso 23, 24, 25, 26, 30, 31 | 7:30 N.G.
Marso 25, 26, Abril 1, 2 | 10:30 N.U. 3:00 N.H. 7:30 N.G.
University Theater Main Hall Stage
UP Diliman, Quezon City

Maaaring bumili ng tiket sa:
https://ticket2me.net/e/36951
o tumawag sa 8981-8500 local 2449
o mag-text sa 09178811591 (Camilo De Guzman) / 09175198879 (Nico Varona)
o mag-email sa dulaangup.upd@up.edu.ph para sa mga nais mag bulk buy o para magpareserba ng tiket.

Maaaring bisitahin ang aming physical ticket booth sa Pavillion 3, Palma Hall, Room 3100 mula, 10AM hanggang 5PM, Martes hanggang Biyernes.

Kita-kits, mga Katao! Magiging masaya ‘to!

Dulaang UP’s Kung Paano Nanalo sa Karera si Rosang Taba

Cast Of Characters:

KIKI BAENTO (ROSANNA / ROSANG TABA) :

Samahan si 𝐊𝐢𝐤𝐢 𝐁𝐚𝐞𝐧𝐭𝐨 sa kanyang natatanging pagganap bilang Rosanna at ang magiting na si Rosang Taba.

Si Kiki ay mula sa Philippine Educational Theater Association (PETA), at nagtanghal bilang Jude sa “Game of Trolls,” at kasalukuyan bilang Monica sa “Walang Aray.” Bilang artista ng PETA, si Kiki ay nagtuturo rin sa mga nais pagyamanin ang kanilang talento sa pagtatanghal.

VICTOR SY (PIETRADO):

Katunggali ni Rosang Taba ay ang aristokratong si Pietrado na isasabuhay naman ni 𝐕𝐢𝐜𝐭𝐨𝐫 𝐒𝐲.

Si Victor ay isang aktor ng GMA at gumanap bilang Winston Wenceslao sa teleseryeng “I Left My Heart in Sorsogon.” Siya rin ay napanood sa katatapos lamang na teleserye ng GMA na “Maria Clara at Ibarra” bilang Don Rafael Ibarra.

SKYZX LABASTILLA (ROSA MIA / ANDREIA):

Gagampanan ni 𝐒𝐤𝐲𝐳𝐱 𝐋𝐚𝐛𝐚𝐬𝐭𝐢𝐥𝐥𝐚 ang ikalawang kapatid ni Rosanna na si Rosa Mia at ang katuwang ni Pietrado na si Andreia. Si Skyzx ay nagtanghal sa produksyon ng Dulaang UP na “Ang Dalagita’y ’Sang Bagay na ‘Di Buo” noong 2018. Ang dulang ito ay isang 𝘴𝘰𝘭𝘰-𝘱𝘭𝘢𝘺 kung saan nagtanghal si Skyzx bilang labinlimang karakter sa iisang dula.

PEEWEE O’HARA (ROSALINDA / INA):

Ang karakter ng pinakamatandang kapatid ni Rosanna na si Rosalinda at ang ina ni Rosang Taba ay bibigyang-buhay ng beteranang aktres na si 𝐏𝐞𝐞𝐰𝐞𝐞 𝐎’𝐇𝐚𝐫𝐚. Kilala si Peewee bilang Magda sa CinemaOne original na “Si Magdalola At Ang Mga Gago” kung saan nakatanggap siya ng nominasyon bilang “Natatanging Aktres” sa 2016 Cinema One Originals Digital Film Festival. Siya rin ay bumida sa tampok na dula ng UP Playwrights’ Theatre na “Nana Rosa” bilang Rosa Henson noong 2019 at 2020, kung saan nagkamit siya ng “Best Lead Actress in a Play” sa Aliw Awards noong 2020.

ALDO VENCILAO (CUMBANCHERO / AMA):

Si 𝐀𝐥𝐝𝐨 𝐕𝐞𝐧𝐜𝐢𝐥𝐚𝐨 naman ang gaganap bilang Cumbanchero at ama ni Rosang Taba. Siya ay miyembro ng Tanghalang Pilipino Actors Company at naging bahagi ng iba’t-ibang produksiyon nito. Partikular sa mga ito ang kanyang pagganap bilang Bruce sa Filipino cast ng “The Wong Kids in the Secret of the Space Chupacabra Go!” kung saan nominado siya bilang “Outstanding Male Lead Performance in a Play” sa ika-siyam na Philstage Gawad Buhay Awards.

JOJO CAYABYAB (GOBERNADOR HENERAL):

Mapapanood din si 𝐉𝐨𝐣𝐨 𝐂𝐚𝐲𝐚𝐛𝐲𝐚𝐛 bilang Gobernador Heneral. Siya ay gumanap sa pinakahuling naitanghal na dula ng Dulaang UP, ang “The Reconciliation Dinner” bilang Fred Valderama. Naging bahagi rin siya sa iba pang mga produksyon ng Dulaang UP; bilang Esteban sa “Fuente Ovejuna,” at Dimaliwat sa “Bagong Cristo”.